لو تلتفت ياناوي الصد وتشـوف

لو تلتفت ياناوي الصد وتشـوف
تلقـى بـدال فراقنـا حـل ثانـي
يشدني حبـك ويبعدنـي الخـوف
ضيعت في رجوى حنانك زمانـي
حاولت أصور ماخفى عنك بحروف
لقيت حبـك فـوق كـل المعانـي
أنا على قربك شفـوقٍ وملهـوف
أقبل وتبعد خطوتك عـن مكانـي
اللي بقلبي لك من الـود معـروف
حسيبك اللي في هـواك ابتلانـي
ياقلب ماظنك علـى ذاك موقـوف
بليـت بالـي باعنـي ماشرانـي